ചെറുവീടുകൾക്ക് പ്രിയമേറുന്ന കാലമാണ്‌ ഇത്. ചിലവ് ചുരുക്കിക്കൊണ്ട് എന്നാൽ ആവശ്യങ്ങൾ പരമാവധി ഉൾക്കൊള്ളിച്ചുകൊണ്ട് ഉള്ള ഡിസൈനുകളിലേക്ക് ആളുകൾ ശ്രദ്ധിക്കുമ്പോൾ അത് നല്ല ഒരു സൂചനയാണ്‌ നല്കുന്നത്. ഓൺലൈൻ ക്ലാസുകൾ വർക്ക് ഫ്രം ഹോം തുടങ്ങിയവ ജീവിതത്തിന്റെ ഭാഗമായതോടെ അതിനുള്ള സ്പേസ് കൂടെ ഡിസൈനുകളിലേക്ക് കയറി വന്നു.
വീട്ടിൽ ഉല്പന്നങ്ങൾ ഉണ്ടാക്കി വിപണനം ചെയ്തു വരുമാനം കണ്ടെത്തുന്ന ധാരാളം പേർ ഉണ്ട്.ചോക്ലേറ്റ്, കേക്ക്, പേഡ പോലുള്ള ആഹാര പദാർഥങ്ങൾ തയ്യാറാക്കുന്നതിനും പാക്കിംഗിനും കൂടെ സൗകര്യം പരിഗണിച്ച് കിച്ചൺ അല്പം വലുതാക്കുകയും, സാധനങ്ങൾ സൂക്ഷിക്കുവാൻ ഒരു സ്റ്റോർ നല്കുകയും ചെയ്തിരിക്കുന്നു.
1180 ചതുരശ്രയടി വിസ്തീർണ്ണമുള്ള പ്ലാൻ. ലിവിംഗിനോട് ചേർന്ന് ഒരു സ്റ്റഡി ഏരിയ നല്കിയിട്ടുണ്ട്. രണ്ടു കിടപ്പുമുറികളും അറ്റാച്ച്ഡ് ആണ്‌. ഡൈനിംഗിൽ നിന്നും കടക്കാവുന്ന വിധത്തിൽ ഒരു പാറ്റിയോയും ഒരുക്കിയിരിക്കുന്നു.
